Под влијание на циклонска активност во Медитеранот до сабота ќе преовладува променливо облачно време со врнежи од дожд, информира Управата за хидрометеоролошки работи.
Утре и во петок пообилни врнежи ќе има на повеќе места, а локално ќе бидат и со пороен карактер, проследени со грмежи. Во овие два дена се очекува на места да наврнат и над 30 л/м2. Ќе дува умерен, повремено и засилен југоисточен ветер.
Времето денес претежно облачно со врнежи од дожд. Пообилн врнежи ќе има во западните делови, каде локално се очекува да наврнат околу 20 л/м2, особено претпладне. Ќе дува умерен, а вдолж Повардарието повремено засилен југоисточен ветер. Највисоката дневна температурата е во интервал од 6 до 11 степени. Европската метеослужба издаде предупредување од жолта фаза за најголемиот дел од Македонија за денешниот ден. Слично ќе биде и утре.