Браво Хит во следните седум дена е песната ‘3 Miles High‘, втор сингл од предстојниот осми студиски албум на шкотските инди-рокери Travis. Албумот треба да излезе на 29-ти април под нивната сопствена етикета Red Telephone Box. Насловен е ‘Everything At Once‘, а е реализиран во легендарното Hansa Studio во Берлин. Во оваа студио, во 1977 година, David Bowie има снимено два албума, ‘Low‘ и ‘Heroes‘, Iggy Pop ги снимаше ‘The Idiot‘ и ‘Lust For Life‘, а од попознатите изведувачи, своите албуми во Hansa Studio ги имаат реализиранои: R.E.M, Manic Street Preachers и Pixies.