епизода: 318
година: 1969

Листа на песни:

01. The Doors – Touch Me
02. Ray Stevens – Gitarzan
03. Martha Reeves & The Vandals – Dancing In The Street
04. Peter Sarstedt – Where Do You Go To (My Lovely)
05. Nina Simone – To Love Somebody
06. Isley Brothers – Its Your Thing
07. Jay & The Americans – This Magic Moment
08. Jerry Butler – Only The Strong Survive
09. Ventures – Hawaii Five-O
10. Crazy Elephant – Gimme Gimme Good Lovin
11. Edwin Hawkins Singers – Oh Happy Day

Вести од Куманово и Македонија

Цела недела граѓаните на Куманово имаат проблеми со водоснабдување. Приградските населби и становите во повисоките згради вода имаат само во ноќните часови, додека во текот на денот чешмите се празни.Од ЈП Водовод информираат дека оваа утро регистриран дефект има на: ул. Биљановска, ул. Страшо Пинџур и во населбата Средорек.

Во гимназијата “Гоце Делчев” беа одбележани 140 години од раѓањето на македонскиот револуционер. Свежо цвеќе на бистата положија делгации на локалната самоуправа,училиштето, политички партии и невладини организации.

Вести од светот

Затвореници во затворите во Спужа и Бело Поле најавиле дека ќе стапат во штрајк со глад, барајќи веднаш да започне примена на одредбите од Законот за условна казна, соопштуваат црногорските медиуми.

Германската канцеларка Ангела Меркел и францускиот претседател Никола Саркози на денешните годишни разговори во Париз се очекува да дискутираат за натамошните мерки за справување со европската должничка криза.

Работник на аеродром во државата Вашингтон, САД минал само со повреди откако бил прегазен од авион Боинг 787. Несреќата се случила на аеродромот Пајн Филд во Вашингтон кога Боинг 787 на Јапан еирлајнс долг 56 метри и тежок 110.000 килограми додека возел кон паркингот го прегазил работникот.

Време

Времето денеска ќе биде облачно со врнежи од снег. Врнежите ќе бидат пообилни во источните и јужните делови на земјава, каде на места ќе наврнат повеќе од 30 сантиметри снег.

Спортски вести во 12:40, 13:40, 15:10, 16:40 и 18:10 часот

Шампионот на колена во Куманово

Кошаркарите на Куманово викендов забележаа голема победа, откако во продолжение го совлада шампионот Фени индустри со 92:88. Куманово моментно се наоѓа на петтата позиција на табелата, зад МЗТ Скопје, Фени индустри, Торус и Лирија, а кормиларот на кумановци најавува дека неговиот тим ќе се обиде да ги замрси сметките на водечките и да се вмеша во борба за плејофот.
„Наша цел на стартот на сезонава беше да обезбедиме учество во Супер-лигата и го остваривме тоа. Следниот дуел со Лирија ќе биде вистински тест за нашите шанси за плејофот“ – изјави тренерот на Куманово, Љубислав Луковиќ.

Африкански куп на нации во фудбал

Познати се полуфиналните двојки на Африканскиот куп на нации во фудбал, а во нив за место во финалето ќе се борат Гана и Замбија, односно Брегот на Слонова Коска и Мали.
Последните две места во полуфиналето во неделата навечер ги обезбедија Гана, која доста среќно со 2:1 по продолженијата беше подобра од Тунис и Мали, кој на пенали го елиминираше ко-домаќинот Габон.

Њујорк Џајантс подобар во годинешниот Супербоул

Над 100 милиони американци во текот на изминатата ноќ ја проследија победата на Њујорк Џајантс врз Њу Ингланд Петриотс со што го освои Суперболот во американски фудбал. И пред четири години овие два тема играа за шампионската титула и тогаш исто така победи екипата на Њујорк џајантс. На полувремето од натпреварот во Индијанополис настапи поп ѕвездата Мадона.

Вечерва се доделува “спортскиот” Оскар

Вечерва во 20:30 часот во Вестминстер, во срцето на Лондон, ќе се одржи церемонијата на доделување на наградата Лауреус. Лауреус награда е најценета спортска награда и претставува некој вид на спортски Оскар. Се доделува од 2000 година, а победникот го избира жири составено од 47 спортски легенди. Кандидати за најдобар светски спортист за 2011 година се: тенисерот Новак Ѓоковиќ, атлетичарот Усеин Бол, кошаркарот Дирк Новицки, возачот во Формула 1 Себастијан Фетел и велосипедистот Кадел Еванс .

Резултати од НБА

Во двата натпревара што синоќа се одржаа во НБА лигата победници беа домашните екипи. Мајами со 95:89 го победија Торонто, а Бостон славеше против Мемфис со 98:80.

Радио Слободна Европа во 07 и 19 часот
Слушнете ги најновите вести на Радио Слободна Европа тука

КОНЕЧЕН РЕЗУЛТАТ

92 : 88

прва четвртина: КК КУМАНОВО 21 VS 21 ФЕНИ ИНДУСТРИ

втора четвртина: КК КУМАНОВО 23 VS 21 ФЕНИ ИНДУСТРИ

трета четвртина: КК КУМАНОВО 18 VS 16 ФЕНИ ИНДУСТРИ

четврта четвртина: КК КУМАНОВО 16 VS 19 ФЕНИ ИНДУСТРИ

продолжеток: КК КУМАНОВО 14 VS 10 ФЕНИ ИНДУСТРИ

Останати резултати:

Работнички – МЗТ Скопје 69 – 88

Торус СЦБТ – Лирија 78 – 73

Се слуша музика од радио станица во кафетерија на Широк Сокак во Битола. Музиката е, велат битолчани, една од главните причини поради која слушаат радио.
„ Заради музиката. Само што има еден проблем што не ми се допаѓа моменталната музика што ја пуштаат на радио. Недостасува блуз, рок радио. “

„ Дали слушам радио? Не слушам. Нема ниту квалитетни радија во Македонија. “

„ Радиото е многу покорисно, има добра музика, а има и вести. Телевизијата има многу програми што не се препорачуваат за сите. “

Жителите во помалите градови ги интересираат локални вести

Радио новинарот Анета Блажевска се согласува дека локалните радија се во криза зашто како што вели, нудат слаба информативна програма.

„ Ако не се локалните телевизии граѓаните од помалите општини буквално ќе бидат осакатени. Затоа што не сакаме да слушнаме што се случува во Скопје, што кажал Премиерот или што кажал претседателот. Не интересира нешто што е од наше опкружување, нешто што не засега. “, вели Блажевска.

Има две страни на приказната, вели Душко Арсовски, новинар кој подолго време ги следи случувањата во медиумите.

„ Новинарите многу повеќе сакаат да работат на телевизија сметајќи дека така ќе станат популарни за кратко време. А, од друга страна проблемот е и економски затоа што најголем дел од маркетиншкиот колач отпаѓа на телевизиите, а за радијата останува малку за да може да се инвестира во квалитетна програма. “, смета Арсовски.

Над 20 проценти од граѓаните се информираат од радио

Според последните истражувања над 20 проценти од граѓаните во Македонија добиваат информации слушајќи радио.

Во Македонија има 81 радио или во просек по едно радио на 25 илјади жители. Оние што уживаат да работат во радио станица велат дека на овој медиум се нуди музика, информации, едукација во етерот.

„ Тоа е магијата на радиото која не може да ја замени ниту телевизијата, ниту Интернетот, ниту пак кој било друг медиум. “

КОНЕЧЕН РЕЗУЛТАТ

74 : 85

прва четвртина: КК ВАРДАР 25 VS 30 КК КУМАНОВО

втора четвртина: КК ВАРДАР 18 VS 21 КК КУМАНОВО

трета четвртина: КК ВАРДАР 19 VS 12 КК КУМАНОВО

четврта четвртина: КК ВАРДАР 12 VS 22 КК КУМАНОВО

Останати резултати:

Работнички – Кожув 78 – 70

МЗТ Скопје – Торус СЦБТ 72 – 63

Фени Индустри- Лирија 92 – 72

АБА Струмица – слободен

Туна e пејачка од Скопје која во последно време кариерата ја гради во Косово и во Албанија. Таа е дел на жирито на познатото телевизиско шоу Икс Фактор Албанија. Слично како Туна и многу други професионалци од различни професии, инаку Албанци од Македонија, ги фокусираат нивните активноси во Приштина и во Тирана.

Слична е ситуација и кај медиумите. Повеќе личности, интелектуалци, аналитичари се присутни во медиумите кои се емитуваат на регионално ниво и кои се занимаваат и дебатираат за општествените феномени на Албанците.

Ова е таков вид емисија на една од телевизиите во Тирана, во која се поканети се и аналитичари од Македонија.

Артан Садику, еден од младите коментатори, во еден негов текст отворено ги критикуваше навредувачките навивања и на албанските и на македонските навивачи кажани на спортските терени. Според Садику, освен јазичната бариера, македонската јавност има потешкотии да ја следи дебатата на албанските аналитичари и интелектуалци на разни регионални теми бидејќи тие се организираат од медиуми кои се надвор од Македонија. Тоа како што вели тој, е нешто што е загрижувачко за кохезијата во земјата.

„Имајќи го предвид супер брзиот развој на албанските медиуми, пред се во Албанија, на Албанците од Македонија им се даде можност да се вклучат во овој медиумски свет. Претходно немале рамноправен пристап да бидат дел од медиумскиот свет во Македонија. Затоа, денес тоа што преставува тема за Албанците, било тоа да е културна, спортска или политичка, таа е целосно различна од тоа што е важно за Македонците. Овие два медиумски света воопшто не комуницираат, и ова е еден од проблемите кој треба да се третира„ коментира Садику.

Тој во еден негов текст напиша „За да си изградиме јасен антинационалистички дискурс мораме длабоко и сериозно да си расчистиме со сопствениот шупак“.

Албанското знаме како визит-картичка за политичка кариера?

Леарт Кола е автор кој често пишува и зборува против национализмот. Тој е политички активист. Неговите текстови се објавуваат во Тирана, Приштина и во Скопје. Во еден негов текст тој пишува за употребата на националното албанско знаме како визит-картичка за политичка кариера наспроти реалните проблеми на луѓето, како сиромаштијата и животниот стандард.

Тој објаснува дека во медиумите кои се следат од Албанците во регионот, меѓу аналитичари или личности кои што имаат влијание има такви кои слободно зборуваат против нацинализмот.

„Кај албанската елита, посебно кај дел меѓу анлитичарите има негативен пристап за националистичките феномени. Овој став има позитвна страна бидејќи не дозволува раст на национализмот кој пак, утре, задутре може да прерасне во фашистички феномен“, смета Кола.

Критиката на албанските автори за власта и албанските феномени во регионот е многу посурова од тоа што се случува во Македонија. Ова го велат неколку набљудувачи кои ги следат медиумите на албански и македонски јазик. Но, според Леарт Кола оваа констатција сепак не значи дека медиумите во Тирана се идеални, иако нема притисоци или јавни осуди од власта ако се осудуваат националистички феномени, како што е примерот со Македонија.

„Не постои идејата за притисок ако го браниш или осудуваш национализмот. Притисок во Албанија може да имаш ако зборуваш за корупција и ако ги “загрозуваш” политичарите и тоа по џебот„ вели Леарт Кола.

Но и ако се смета дека има друга слика за албанскиот медиумски простор, од таа што ја знае македоснката јавност, соговорниците на Диверсити Медиа, сметаат дека македонската јавност нема пристап до овие дебати.

Институциите (не)јасно против национализмот

Бранко Героски е еден од тие автори кој бараше реакции и од албанските интелектуалци за феномени во албанското општество. Тој признава дека не може да ги следи дебатите на Албанците и како уредник на медиум вели дека треба да има поголома отвореност за немакедонските ставови.

„Да ги отвориме нашите медиуми за присуство и за дебата на луѓето од другите етнички заедници. Исто така, отворен сум да ги слушнеме, објавиме и прераскажеме ставовите на албанските интелектуалци на оваа тема“ вели Героски.

Но, неколку албански набљудувачи сметаат дека треба поголем напор од само добрата волја кај неколку медиумски личности. Тие се загрижени за новиот бран на национализам велејќи дека освен како медиумски проблем, каде нема претставување на ставовите од сите страни, фокусот треба да биде кај институциите, дали има нивна реакција. Од друга страна, тие треба да се перцепираат како заеднички, и кога има настани кои можат да предизвикуваат тензии, треба да реагираат брзо.

Неприфатливо е велат тие, челници на институциите кои треба да се пример, да не ги осудуваат инцидентите, а уште полошо се прават дека не ги виделе или слушнале, како што за навреднувачките повици од страна на македонските навивачи за време на европското првенство во ракомет изјавија и Премиерот Никола Груевски и вице-премиерот Муса Џафери. И двајцата челници на битни институции, наместо први да ги осудат нациналитичките скандирања и двајцата решија да ја надминат ситуацијата со млаки изјави што според набљудувачите е неприфатливо!