Во понеделник, на 26-ти март во малата сала на НУЦК „Трајко Прокопиев“ во 19:30 часот е закажана промоција на книгата „Ловец на соништа“ од младата авторка Ана Љубиќ.
Ана е ученичка во 3-та година, во средното стручно училиште „Наце Буѓони“, медицинска насока.
Интервју со Ана Љубиќ, автор на „Ловец на соништа“
Книгата е составена од 59 песни, напишани на 86 страници. Рецезент на книгата е Сашо Костовски кој има свој удел во избор на насловот на самата книга чија промоција со нетрпение го очекуваме.
– Сакам да пишувам за љубовта, за неотстварените желби, за секојдневието, за соништата… Пишувам од мали нозе и ова ми и е прва објавена книга, а во подготовка е и втората, но објавувањето ќе зависи од финансиите, бидејќи и за оваа ја имав помошта само од моето семејство, ни ја објасни поетската стварност, младата уметничка Ана Љубиќ.