Во недела, на 25 јуни, од 11 до 19 часот, во Куманово, на „Гладијатор Арената“ кај Средното Општинско Училиште „Перо Наков“ се одржа Вториот меѓународен Street Workout турнир.
Даниел Каранфиловски и Гордан Крстиќ од “Bar Gladiators”, единствениот регистриран Street Workout клуб во Македонија, говорат за организацијата, за категориите во кои се натпреваруваа учесниците , за наградите, но и за импресиите од текот на натпреварот.
На турнирот учество зедоа 40-тина учесници од Македонија, Србија и Бугарија кои се натпреваруваа во неколку категории, а најатрактивни за публиката беа трите натпреварувачки. Најдобрите по категории добија пехар и златен медал, додека второ и третопласираните се закитија со сребрен, односно бронзен медал.