Нашиот сограѓанин Даниел Тодев ја промовираше својата нова песна во Радио Браво.
Се работи за милозвучна мелодија со посветен текст, а со наслов „ Моја најмила“. Како комплетен автор и композитор се јавува Боби Серафимовски кој како што и изјави во телефонското јавување, искрено очекува песната да стане вистински хит.

Соработката меѓу Боби и Даниел трае од порано, бидејќи Боби ја напиша песната „Мирно езеро“ со која Даниел Тодев настапи на на поп вечерта  на „Охрид Фест 2015“ и се пласира во втората интернационална вечер, а песната беше видно прифатена од публиката. Даниел како наш гостин ги сподели искуствата од својата 15 годишна музичка кариера, но видно задоволен говореше и за учеството на „Роса Фест 2013“ и „Охрид Фест 2015“. Ексклузивно ни беше откриено и дека на лето може да очекуваме нова песна работена и изведена од истиот проверен тим. Дотогаш уживајте со „ Моја најмила“.