• Radio Bravo

  • Bravo Smooth Jazz

Национален ромски центар го промовира здравството како основно човеково право


„Преку засилен глас до подобри здравствени услуги“ е проект на Националниот ромски центар кој се реализира во Куманово, Кочани, Штип, Крива Паланка и Битола. Преку проектот им сена жените кои имаат финансиски потешкотии и кои не се во можност да ги платат здравствените антенатални услуги. Исто така се промовира еднаквиот пристап до услугите за репродуктивно здравје за жените Ромки. Координатор на проектот е Себихана Скендеровска, координатор на здраствената програма во НРЦ.
Себихана Скендеровска, координатор на проектот Преку засилен глас до подобри здравствени услуги

– Ромките и социјално загрозените граѓани немаат еднаков пристап до антенаталните услуги. 50 % од нив се пораѓаат без да знаат која крвна група ја имаат. Најчесто одат само на три прегледи, а согласно протоколите загарантирани се 10 за прворотка, а седум за жени кои раѓале повеќе пати. Десет антенатални прегледи кај матичен гинеколог треба да изврши секоја бремена жена. Во тие рамки ние изработивме правна анализа со финансиска проценка и видовме дека со оглед на тоа дека едно просечно четиричлено семејство прима социјална помош од 2040 денари на месечно ниво, дека трошоците за да плати партиципација за лабораториските испитувања изнесуваат 350 денари, поради тоа ние се застапуваме пред институциите Владата да ја преземе оваа обврска и да им ги покрие трошоците, истакна во интервјуто за Радио Браво Себихана Скендеровска, координатор на проектот „Преку засилен глас до подобри здравствени услуги“.

Проектот „Преку засилен глас до подобри здравствени услуги” има општа цел да промовира еднаков пристап до здравствена заштита особено во антенаталниот период за жените со финансиски потешкотии со посебен осврт на жената Ромка. НРЦ низ своите активности се залага за имплементација на македонскиот Закон за здравствена заштита, кој гарантира здравствени услуги за сите жени. Воедно се застапуваме пред здравствените институции во Република Македонија да креираат политики и кои ќе овозможат еданков пристап на здравствени услуги од антенатална заштита за сите жени во репродуктивен период.
Донатор: Фондација Отворено Општество Македонија
Времетраење на проектот: 20.12.2012– 20.12.2013
Опис:

Во 2011 год, НРЦ спроведе теренско квалитативно истражување со Ромски жени во 10 фокус групи во Куманово, Кр. Планка. Кочани, Штип и Битола. 25 интервјуа се направени со претставници на здравствените институции од сите нивоа на здравствена заштита во Р.М. Во таа насока документирвме повеќе бариери кои ги спречуваат жените Ромки како граѓани кои се социо-економски највулнерабилни, да имаат пристап до здравствени услуги во репродуктивен период особено антенатална заштита. Покрај нееднаквиот третман од страна на здравствените работници и неинформираноста на жените (во репродуктивен период) од 15-49 години за нивните права на здравствена заштита, економските потешкотии се идентификувани како една од најзначајните бариери. Поради овие причини жените не го користат правото да одат на редовни антенатални контроли.
Законот за здравствена заштита на Р.Македонија предвидува антенатални и постпартални услуги за сите жени, праксата покажува дека и минималните суми кои бремените жени треба да ги платат, според ценовникот на ФЗОМ, се многу високи. Жените кои имаат финансиски проблеми или примаат социјалана парична помош не се во можност да ја покријат партиципацијата која треба да ја платат. Како секундарен проблем кој го идентификувавме во текот на нашето истражување е недостатокот на информации помеѓу жените за кои услуги колку се плаќа. Фондот за здравствено осигурување не наведува прецизни кои здравствени услуги се дел од бесплатниот здравствен пакет за време на антенатален и постпартален период. Резултат од ваквата појава е жените да партиципираат кон плаќањето на сите медицински тестови и прегледи, кои се задолжителни за време на бременост по различни цени, што е додатен проблем за економско вулнерабилните жени. Онаа што исто така додека породувањето е бесплатно во државните болници, во случај на компликации после породување, жените кои остануваат во болница повеќе од 24 часа треба да платат како за редовен престој во болница.
Цел на проектот:

Главна цел: Застапување во Министерството за Здравство во соработка со Фондот за здравствено осигурување за да се укине партиципацијата за антенатални услуги за економски вулнерабилните бремени мајки (примателки на социјална помош од 15- 49 години).
Специфични цели

– Застапување за да се крира пакет на бесплатни антенатални и постпартални услуги за жени во тешка економска положба.
– НРЦ да поттикне јавна дебата за слабостите на сегашната правна рамка за здравствена и социјална заштита и ќе предлага ревизија на истите.
– Генерирање на интернационален притисок на македонските здравствени авторитети за да обезбедиме еднаков пристап за Ромските жени до здравствената заштита.

© Radio Bravo - Kumanovo