Интервју со Сашко Коцев, еден од трите актери во хит претставата „Не се клади на Енглези“ која е на редовниот репертоар на Македонскиот Народен Театар, а во понеделник, 10-ти април, гостуво во Куманово, на сцената на НУЦК „Трајко Прокопиев“ (Дом на култура). Претставата започнува во 20:00 часот.

„Не се клади на Енглези“ е претстава која го третира феноменот „спортско обложување“. Текстот во суштина се занимава со прицините и последиците од истиот. Бескрајно долгата транзициска беда, надежта на пониските социјални слоеви за брза заработка, дегенерација на нацијата итн. Жанровски претставата е комедија, но во текстот може да се насетат и болните аспекти на девијантната појава, обложувањето. На секундарно ниво оваа претстава ја истражува и границата помеѓу човековата себичност и искреното пријателство.