На 25 октомври, вторник во објектот на кумановскиот театар со почеток во 20 часот ќе се прикаже премиерата на претставата „Напиши нешто смешно“, авторски проект на Стое Додевски, кој пак ни е гостин во Радио Браво.

Темата на претставата е црпена од секојдневните збиднувања и секојдневните проблеми со кои се среќаваме во животот. Оваа комедија пред повеќе години беше прикажувана во едно друго светло и како што ќе рече авторот, сега е модернизирана во чекор со времето и технологијата. Претставата ја изведува „Младински аматерски театар“, составен од средношколци, надежни актери аматери.

Билетот чини 50 денари и може да се купи на билетарата на Театар Кумново.