„Coldplay“ изненадувачки издаде нова песна, и тоа под ново име на групата. Станува збор за соработка со Pharrell Williams, за потребите на која беше создаден и сосема нов проект, под името „Los Unidades“. Издавачката куќа „Parlophone“ претходно објави твит во кој најави дека ќе потпише со ново име и фановите веднаш се посомневаа дека тоа всушност е „Coldplay“, бидејќи фигурите на објавената замаглена слика личеа на членовите на популарниот британски бенд. „Coldplay“ дополнително потврди дека песната „E-Lo“ на „Los Unidades“ ќе биде дел од новиот миниалбум на Global Citizen, организација која има поставено цел да ја искорени екстремната сиромаштија до 2030 година.