“A Place We Knew” е насловот на дебитантскиот албум на австралианецот Dean Lewis. Албумот на музичкиот пазар се појави на 22-ри март, а претходно од него веќе ги слушавме сингловите: “Be Alright” кој ја и освои ARIA Music наградата од австралиската музичка индустрија за најдобар сингл во 2018-та, а на почетокот од годината се појави и синглот “7 Minutes”. Од останатите десет песни од албумот, избор на Радио Браво за претставување на деби остварувањето на Dean Lewis е песната со реден број четири, “Stay Awake“. Во моментов, Dean Lewis е на американско – европска турнеја која ќе заврши на крајот од април.