По двете уводни победи на репрезентацијата на Македонија на Светското првенство во Германија нашиот ракометен машки тим го доживеа првио тпораз, 22-31 од Хрватска. Македонија одигра брз натпревар со многу трчање и тактично надмудрување на двата селектори. Тргнавме со добра игра и „7 на 6″. Правевме шанси и доаѓавме во ситуација за постигнување гол, често и зицер. Но, голманот на Хрватска, Марин Шего имаше своја вечер со вкупно 12 одбрано, а најголемиот дел беа од чисти ситуации. Од спротивнаста страна пак, Хрватска ги казнуваше нашите нереализирани напади и грешки, па добра дел од постигнатите голови беа толку во моменти кога немавме голман меѓу стативите. По натпреварот, нашите репрезентативци во своите изјави се сложија дека поразот е нереално висок и дека е резултат на неискористените шанси и на одличниот противнички голман Шего. Следуваат изјавите на селекторот Гонзалес и носителите на играта во нашата репрезентација: капитенот Лазаров, крилото Манасков и пивотот Стоилов.

Утре треба да играме со Шпанија, а потоа и со Исланд. Веројатно решавачки дуел ќе биде тој со Исланд за пласман во Главната Фаза. Ние секако продолжуваме во Келн каде се играат мечевите од следната фаза но и натпреварите од Президент Купот за пласман од 13 до 18 место.

Инаку на Мундијалот вчера се одиграа мечевите од третата рунда во сите четири групи, а денеска на програмата се натпреварите од четвртата рунда во групите А и Ц. Во првиот меч од групата А силите ќе ги одмерат Русија и Бразил, а потоа Кореја и Србија. Вечерниот термин е резервиран за првата супер пресметка на помеѓу домаќинот Германија и светската велесила Франција, додека во меч од групата Ц се среќаваат Австрија и Данска..