Денес, Радио Браво ви го претставува момчето од Strafford, руралниот дел на Vermont, 20-годишниот, Noah Kahan. Неговиот музички талент „експлодира“ во првата половина од минатата година, по потпишување на договорот со продуцентот Joel Little (Lorde, Broods) и Republic Records, која пак му ги издаде сингловите: “Young Blood,” “Hold It Down,” и “Sink”. Втората половина од годината, Noah Kahan ја помина на турнеја, како дел од настапите на канадскиот рок бенд The Strumbellas. И конечно, на 12-ти јанаури, на facebook и twitter беше најавено првото EP насловено “Hurt Somebody”, составено од пет песни, од кои две верзии на насловната, “Hurt Somebody“. Од него, избор на Радио Браво, е верзијата која претставува дует со Julia Michaels.